PAG. iii (GoogleBooks)
Incipit: Sapientissimi
Scribae: [adde nomen]
Status:
Pag. iii
Sapientissimi VIRI,
INtellexi ex literis ad me datis Reverendi admodum Superattendentis Vestri, D. Weinheimeri, Vos Scholae Vestrae in melius emendationem moliri. Non possum non gratulari, optimisque consiliis optimos apprecari successus. Verissimum enim esse illud,
FUNDAMENTUM REIPUBLICAE EST
RECTA JUVENTUTIS INTITUTIO,
nemo dubitat: hoc autem dubitari potest, quaenam recta illa sit institutio. Qua de materia quia nobis ab aliquot retro annis multa cogitandi occasiones datae fuerunt, repertaque nonulla existimantur quae Christianae Juventuti, et Scholis, prodesse queant, ea nos in unum tandem collecta (sub OPERUM DIDACTICORUM nomine) publico exponere decrevimus. Summa erit, Optando optandum esse, ut omnis Christo sacrata Iuventus ea discat in terris, quorum scientia perseveret in caelos. Ita tamen eos ad aeternitatem sapere adsuefaciendo, ut non desipiant hic etiam. Id quod obtineri potest providendo, ut Scholarum discipuli, tanquam Vitae candidatuli, nihil discant nisi ad Vitae usum: adsuescendo de omnibus quae in Vita obvenient judicare incorrupte, et de rebus recte
intelle-