Florilegium, sive Anthologia Deliciarum

Affectum moderare] Ama tanquam osurus. Oderis tanquam amaturus.

Agendo discimus agere] Dicendo dicere discunt. Errando non errari discitur. Ex libro miser gubernator. Fabricando fabricamur. 

Alternatim] Vicissim terra floret: Deinde horret, Cic.

Amicum ama] Qui me amat, amat et canem meum.

Apparere non facit esse] Barba non facit Philosophum. Non omnes Sancti, qui calcant limina templi. Barba tenus vir, vel Philosophus. Formosus sine pulchritudine. Plumas video, aves non video. 

Audacem non debere esse] Cedendum multitudini. Cedendum casui. Ne Hercules quidem contra duos. Cui cerebrum est vitreum, vitet pugnam lapideam.

Auxilium est necessarium in magnis] Ope opus est ad opus. Levius reddunt opus manus multae.

Bibliotheca sine usu] Murium condimentum, pulveris receptaculum, Libri sine lectore. Tinearum habitaculum.

Castitas suspecta] Foris Helena, Intus Hecuba. 

Casus inopinato veniunt] Accidit in puncto, quod non speratur in anno.

Certamen imparium] Sus cum Minerva certamen suscipit.

Chorea] Ebrietatis comes, sobrius nemo saltat. Chorus, Virg.

Circulator] Circumforaneus homo, Gell. Suet. Ostentarius, Macrob. Nugivendus, Plaut.

Caelibatus jucundus] Libero lecto nihil jucundius.

Comes jucundus] Facundus comes in via pro vehiculo est. 

Commiseratio facile transit] Cito arescit lacryma in alienis malis, Cic. Curt.

Commiseratio seria] Cruciatum proprium in aliena miseria quaerit.

Communia mala] Miserum est ex aliena miseria solatium, Cic.

Non me comparato huic aut illi] Non sum unus ex istis heroibus.

Comparata res talis, vel talis] Absente graculo corvus pulcher.

Compendium utile] Magnus liber magnum malum.

Conscientia] Mille testes.